Danse -- / დანს / (ფრ. ცეკვა). ხელოვნების დარგი, რომელიც აგებულია ძირითადად ფეხისა და ხელის პლასტიკურ და რითმულ მოძრაობებზე და გადმოსცემს განცდებს, გამოხატავს განწყობილებას, შემართებას. სრულდება უმთავრესად სიმღერისა და მუსიკის თანხლებით.
Danse de caractere -- / დანს დე ხაღაკტერ / სახასიათო ცეკვა. ნებისმიერი ეროვნული ან ხალხური ცეკვა.
Danseur -- / დანსეღ / მოცეკვავე მამაკაცი.
Danseur, premier -- / დანსეღ პრემიე / პირველი წამყვანი, სოლისტი მოცეკვავე. წამყვანი მოცეკვავე მამაკაცი.
Danseur etoile, premier -- / დანსეღ ეტუალ პღემიე / პირველი ვარსკვლავი მოცეკვავე. უმაღლესი კლასის მოცეკვავე მამაკაცის წოდება.
Danseuse -- / დანსეზ / ქალი მოცეკვავე.
Danseuse premiere -- / დანსეზ პღემიეღ / პირველი მოცეკვავე, წამყვანი მოცეკვავე ქალი.
Danseuse etoile, premiere -- / დანსეს ეტუალ პღემიეღ / პირველი ვარსკვლავი მოცეკვავე. უმაღლესი კლასის მოცეკვავე ქალის წოდება მიღებული არის პარიზის ოპერაში.
Degage -- / დეგაჟე / (ფრ. გათავისუფლებული, განცალკავებული) დეგაგე-ს ელემნტები ჩართულია ყველა მოძრაობებში, რომელიც დაკავშირებულია სხეულის სიმძიმის ცენტრის გადატანასთან გახსნილ ფეხზე ან ორივე ფეხიდან ერთზე.
Demi -- / დემი / ფრ. ნახევრად.
Demi-caractere -- / დემი ხაღაკტეღ / (ფრ. Demi ნახევრად) ნახევარად-სახასიათო. Demi-caractere არის ცეკვა, რომელსაც აქვს სახასიათო ცეკვის ფორმა, მაგრამ სრულდება კლასიკური ბალეტის ტექნიკაზე დაყრდნობილი მოძრაობებით. Demi-caractere მოცეკვავეს შეეფერება სახასიათო ან მიმიკური გამოსვლის როლი.
Devant -- / დევან / წინ. ეს ტერმინი შეიძლება მოხსენიებული იყოს, როგორც ნაბიჯი ან მოძრაობა, რომელიც სრულდება წინ.
Diaghilev Serge -- / დიაგილევ სერგეი / (1872 – 1929 წ.წ.) დაბადებული რუსეთში, ქალაქ პერმში. იყო რუსული არისტოკრატიის წარმომადგენელი. დიაგილევს ჰქონდა მიღებული იურიდიული განათლება. მისი ინტერესი შეჩერდა ხელოვნებაზე და სანკტ-პეტერბურგის არტისტულ ცხოვრებაზე. 1890 წელს პეტერბურგში იგი შეუერთდა ახალგაზრდა მუსიკოსების და მხატვრების წრეს და 1899 წელს ერთად დაარსეს ჟურნალი `Мир Исскуства” - (ხელოვნების სამყარო), რომელმაც მოახდინა დიდი გავლენა რუსული ხელოვნების განვითარებაზე. აგრეთვე 1899 წელს მან მუშაობა დაიწყო საიმპერატორო თეატრებში. 1904 და 1908 წლებში მან მოაწყო ხელოვნების გამოფენა სანკტ - პეტერბურგში და წარადგინა რუსული ხელოვნება პარიზში. დიდი წარმატებით მან განახორციელა და წარმოადგინა ცნობილი რუსული სეზონები პარიზში. 1911 წელს მან ჩამოაყალიბა დასი სახელწოდებით Ballet Russe, რომელიც წლების მანძილზე გრანდიოზული წარმატებით გამოდიოდნენ მსოფლიოს სხვადასხვა სცენებზე.
Diagonale -- / დიაგონალ / en diagonale - დიაგონალზე. ტერმინი აღნიშნავს, რომ მოძრაობათა კომბინაცია სრულდება დიაგონალზე.
Didelot Charles - Ludwig -- / დიდლო ჩარლ-ლუდვიგ / (1767-1837 წ.წ.) იგი დაიბადა სტოკჰოლმში. მისი მამა იყო ფრანგი მოცეკვავე და ქორეოგრაფი, მისი დედა კი იყო შვედი. თავიდან იგი სწავლობდა მამასთან, მოგვიანებით დობერვალთან, შემდეგ ავგუსტ ვესტრისთან და ნოვერთან. დიდლომ შემოიღო მრავალი ცვლილება სცენის კოსტუმირებაში. მან დაიმკვიდრა სახელი კოსტიუმებში ცოცხალი ფერების დამატებით.
Divertissement -- / დივეღტისმან / (ფრ. გართობა). საბალეტო სპექტაკლებში გამოიყენება, როგორც დამოუკიდებელი სტრუქტურული ფორმა, რომელშიც სრულდება რამდენიმე საცეკვაო ნომერი.
Dos а dos -- / დოზ ა დო / ფრ. ზურგი ზურგთან.
Double -- / დუბლ / ორმაგი. ტერმინი მიუთითებს მოძრაობის ორმაგ შესრულებას.
დადგმა -- სპექტაკლის გამართვა, განხორციელება.
დავლური -- ქართული ცეკვის სახეობა. ადრე ეს იყო ცეკვა `ქართული”-ს პირველი ნაწილი ქალ-ვაჟის ნელი სვლა (დავლა) დინჯი მიხრა-მოხრით. შემდგომში იქცა დამოუკიდებელ ცეკვად; ცეკვა დავლურის მუსიკა; ნელი დაკვრა; ხმალში გაწვევა; ორთაბრძოლა.
დასი -- გუნდი, კრებული, ჯგუფი, რომელიმე თეატრის მსახიობთა შემადგენლობა; მხატვრულ-შემოქმედებითი კოლექტივი.
დებიუტი -- მსახიობის პირველი გამოსვლა სცენაზე სხვადასხვა სპექტაკლებში.
დეკორატორი -- დეკორაციების მხატვარი; სცენის მხატვრული მომრთველი.
დირიჟორი -- პირი, რომელიც ხელმძღვანელობს მუსიკალური ნაწარმოების კოლექტიურ შესრულებას (ორკესტრი, გუნდი და სხვა), საოპერო ან საბალეტო სპექტაკლს.
დრამატული -- დრამის ხასიათის, დრამატიზმით განმსჭვალული დრამატული თეატრი, დრამის დამდგმელი თეატრი.
დრამატურგი -- სხვადასხვა სახის დრამატული ნაწარმოების ავტორი.
დრამატურგია -- მწერლობის დარგი - დრამატულ ნაწარმოებთა შექმნის ხელოვნება და თეორია, რომელიმე მწერლის, ეპოქის ან ქვეყნის დრამატულ ნაწარმოებთა ერთობლიობა.
